Ақтөбе қаласының білім бөлімі

     Ақтөбе қаласы #37 орта мектебі бойынша 1-желтоқсан Тұңғыш Президент күнiне орай 0-11 класс окушылары арасында "Елi сүйген, елiн сүйген Елбасы" тақырыбында бірыңғай класс сағаттары өткізілді.
       1 – желтоқсан Қазақстан Республикасының Тұңғыш Президенті күні. Бұл күннің шығу тарихына шолу жасар болсақ, 2011 жылдың 10 желтоқсаны күні ҚР Парламенті Сенаты депутаттарының бастамасы мен «Қазақстан Республикасындағы мерекелер туралы» ҚР Заңына толықтыру енгізу туралы» ҚР Заңы қабылданған болатын. Заң 1 желтоқсанда аталып өтілетін – Қазақстан Республикасының Тұңғыш Президенті Күнін белгілегенеді. Өйткені 1991 жылы 1 желтоқсанда қазақ елі өзінің тұңғыш президентін Нұрсұлтан Әбішұлы Назарбаевты сайлады. Осыған орай аталған Заңның қабылдануы арқылы Қазақстан Республикасы Тұңғыш Президентінің Республикаға сіңірген  зор еңбегі танылған болатын.

Ұстаздар күніне арналған мерекелік құттықтаулар!!!

Құрметті Ұстаздар!

Сіздерді төл мерекелеріңіз Мұғалімдер күнімен құттықтаймын!
Шәкірттерін білім нәрімен сусындатып, жақсы қасиеттерді бойына дарытатын ұстазға деген халқымыздың құрметі қашан да ерекше. Өйткені, қоғамның басты байлығы - адам болса, сол адамның адамшылығы  жақсы ұстаздан.
   Қазіргі заманда білім деңгейі жоғары ұлт қана жаһандану талаптарына жауап бере алады. Сондықтан білім саласы-елдің ертеңін айқындайтын, оның бәсекелестік қабілетіне ықпал ететін аса маңызды сала.
   Білім жүйесінің жаны да, жүрегі де, тірегі де – мұғалім.
Білімнің күші құдіретті. Ол бар жерде үздіксіз даму үрдісі жүреді. Білім мен ғылым арқылы өркениет дамып, мәдениет гүлденеді. Білім арқылы адам баласы өмірдегі өз орнын табады. Мұғалімнен өнеге-білім алып, өмір теңізіне құлаш ұрған кез келген шəкірт ұстазымен мақтанады. «Мектептің жүрегі», «Бала жанының бағбаны бұл -ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады. Мұғалім арманын оқушыдан аңсаған
Солар шықса мен шықтым деп басқаларға мақтанған!
Мұғалім балалардың шуылынан шаршаған
Түзде жүрсе сол шуылды қайда екен деп аңсаған!
Шынымен де қазіргі төтенше жағдай уақытта шәкірттердің шуылын сағынғанымыз Рас!
Бірақ Ұстаздар қауымы қандай кедергілер болса да оны ақылмен шеше біледі.
Сіздердің әрбіреуіңізге Алғыс білдіремін! Себебі сіздер қиын жағдайға да бейімделіп, ерлік танытып, білім беріп келе жатырсызда! Сіздерді кәсіби мерекелеріңізбен құттықтап мықты денсаулық, шығармашылық табыстар тілеймін!

Ізгі тілекпен : Абуова Карлыга Когабаевна
№37 орта мектебінің директоры 

    Бүгін 01 қазан Халықаралық қарттар күніне орай Ақтөбе облыстық білім басқармасының ұйымдастыруымен ардагер ұстаздарды құттықтау мерекелік іс-шарасы онлайн ZOOM платформасы арқылы өткізілді. Аталған шараға Ақтөбе қаласы №37 орта мектебінің ардагер ұстазы Ескулова Куралай Кулмырзаевна қатысым жасады. Ардагер ұстазымызды мектеп директоры Абуова Карлыга Когабаевна төл мерекесімен құттықтап, мерекелік ыстық лебізін білдірді. Құттықтау барысында Ескулова Куралай Кулмурзаевнаға ҚР Ғылым және білім министірлігінің құрмет грамотасы және «Ақтөбе қаласы мен Ақтөбе облысы білім беру қызметкерлерінің жергілікті кәсіподағы» қоғамдық бірлестігінің сыйлығы табысталды. Сонымен қатар ардагер ұстазымызға №37 бастауыш кәсіподақ ұйымының атынан гүл шоқтары мен сыйлықтары ұсынылды.
    Барша ардагер ұстаздарымызды мерекелерімен құттықтаймыз! Еңбекпен самайлары ағарған абзал жандарға дендеріне саулық, отбасыларына амандық тілейміз.

"МЕКТЕПКЕ ЖОЛ" қайырымдылық акциясы

    №37 орта мектебi бойынша "МЕКТЕПКЕ ЖОЛ" қайырымдылық акциясы ұйымдастырылды. Акцияның мақсаты мектебіміздегі жекеленген санаттағы оқушыларға қолдау көрсету. "Мектепке жол" қайырымдылық акциясында мектеп мұғалімдері тарапынан оқушыларға киім-кишектер мен оқуға қажетті құрал-жабдықтар берілді. Бұл жолы "Қалам и Ко" дүкенінің директоры Г.А.Абдулаева 5 оқушыға оқу құралдарын сыйлады. Осындай игі істе демеушілік танытқандары үшін мектеп әкімшілігі атынан алғыс білдіреміз. Ата-аналары мектеп басшылығы мен ұжымға, демеушілерге алғыс білдіреді.