Ақтөбе қаласының білім бөлімі

«Сабақты зерттеу – педагогикалық ынтымақтастық кепілі»

24.11.2021 күні №37 орта мектебінде «Өрлеу» орталығымен бірлесе жүргізіліп жатқан эксперимент алаңы жоспары негізінде «Сабақты зерттеу – педагогикалық ынтымақтастық кепілі» тақырыбында ”Lesson Study”- іс әрекетті зерттеу жұмысы практикалық бөлімінің 2-сабақты талдау семинары өтті. Семинарға желілік қоғамдастық бойынша тірек мектеп - №51 мектеп-гимназиясының мұғалімдері Сауменова Жанар мен Базаргалиева Жанна қатысты. Семинар барысында зерттеуге алынған сыныптарда қазақ әдебиеті және орыс тілі пәндерінен сабақтар көрсетіліп, зерттеу тобының сабақты талдау отырысы өткізілді. Семинардың тиімділігі - екі мектепте жүргізіліп жатқан жұмыс ортаға салынып, тәжірибе алмасу жұмыстары жүрді.

Республикалық педагогикалық кеңес

     Ақтөбе қаласы №37 орта мектебінде 19.08.2020ж республикалық педагогикалық кеңес мектеп әкімшілігі мен педагогтарының қатысуымен өткізiлдi.

Педагогикалық кеңестің күн тәртібіндегі мәселелер:
1) Жаңа оқу жылындағы оқу форматтары;
2) оқытудың штаттық режимінде санитарлық талаптарды сақтау;
3) 11-4 кезекші сыныптардың жұмыс режимі және жұмыс істеу қағидалары;
4) қашықтан оқыту: мұғалімнің жұмыс орны және ережелер;
а) техникалық дайындық және жұмыс орны;
б) қашықтан өткізетін сабақты әзірлеу алгоритмі;
в) педагог имиджі және этикетті сақтау;
5) мектепте қашықтан оқытуда пайдаланатын білім беру интернет-платформасымен танысу;
6) жаңа оқу жылында білім алушыларды бағалау ерекшеліктері;
7) баланы өз бетінше жұмыс істеуге және оқуға қалай ынталандыру керек?

      11.03.2020 күні #37 орта мектебінде бастауыш класс мұғалімі Л.Сагинаеваның жетекшілігімен педагогикалық шеберхананың кезекті отырысы өтті. Шеберхана жұмысына қала мектептерінен 8 мұғалім қатысты. Шеберхана жетекшісі Л. Сагинаева ашық сабақ, 66 ОМ даярлық класс мұғалімі Д.Турганбаева ашық сабақ, 33 ОМ бастауыш класс мұғалімі инклюзивті білім беру тақырыбында коучинг өткізді.

"Келешектің кілті - кемел білімде"

мектепішілік семинар

№37 орта мектебінде 20.11.2019жыл күні "Келешектің кілті - кемел білімде" тақырыбында мектепішілік семинар өтті.

Семинардың мақсаты: педагогигалық ұжымның таңдаған ғылыми-әдістемелік тақырып бойынша жұмыстарын қорытындылау, жаңартылған білім беру мазмұны бойынша тәжірибе алмасу.